Almatyda turǵyndar respýblıkalyq referendým ótetin kúni saılaý ýchaskelerine barý úshin «Invataksı» qyzmetin tegin paıdalana alady. Qyzmet arbamen júretin jáne tirek-qımyl apparaty buzylǵan azamattarǵa, sondaı-aq kórý qabileti buzylysqa ushyraǵan adamdarǵa arnalǵan, dep habarlaıdy Egemen.kz.
«Invataksı» qyzmetiniń jumysyn qalanyń Jumyspen qamtý jáne áleýmettik baǵdarlamalar basqarmasy uıymdastyrady.
Referendým qarsańynda táýelsiz baqylaýshylardyń aqparattyq shtaby jumys isteıdi
Almaty qalasy ákimdiginiń málimetinshe, referendým kúni qalada 170 «Invataksı» avtokóligi jumys isteıdi. Onyń ishinde 36 arnaıy jabdyqtalǵan kólik jáne 2020 jyldan erte shyǵarylmaǵan 134 jeńil avtomobıl bar. Sonymen qatar, múmkindigi shekteýli azamattarǵa kólik qyzmetin kórsetý úshin qosymsha 20 kezekshi avtokólik tartylady.
«Sol kúni «Invataksı» qyzmetine dıspetcherlik qyzmetterdiń telefon nómirleri arqyly tapsyrys berýge bolady.
Arbamen qozǵalatyn jáne tirek-qımyl apparaty buzylǵan azamattar úshin: +7 707 710 60 50 +7 747 195 35 75 +7 747 402 64 15
Kórý qabileti buzylysqa ushyraǵan azamattar úshin: +7 727 338 32 78 +7 705 980 87 09 +7 705 831 48 14
Sondaı-aq, referendým kúni kezekshi avtokólikti +7 700 151 0701 nemese 338-30-09 nómirleri arqyly shaqyrýǵa bolady», delingen habarlamada.
Kórsetilgen nómirlerge turǵyndar «Invataksı» qyzmetiniń sapasyna qatysty suraqtar týyndaǵan jaǵdaıda nemese tasymaldaý barysynda máseleler paıda bolsa da habarlasa alady.
Jaýapkershilik alatyn kez keldi: Sarapshy jastardy referendýmǵa qatysýǵa shaqyrdy
Bul is-sharalar azamattardyń erkin qozǵalýyn qamtamasyz etýge jáne respýblıkalyq referendýmǵa qatysý úshin barshaǵa teń múmkindik jasaýǵa baǵyttalǵan.
Qasym-Jomart Toqaev jastardy referendýmǵa belsene qatysýǵa shaqyrdy